सिन्धुली । जिल्लाको गोलन्जोर गाउँपालिका–३ ग्वाल्टार निवासी सशस्त्र प्रहरी बलका प्रहरी नायव महानिरीक्षक (डीआईजी) अञ्जनीकुमार पोखरेल अतिरिक्त महानिरीक्षक (एआईजी) पदमा बढुवाका लागि सिफारिस भएका छन् ।

गृह मन्त्रालयअन्तर्गतको बढुवा समितिको मंगलबार बसेको बैठकले हाल बागमती प्रदेश प्रमुखसमेत रहेका पोखरेललाई एआईजीमा बढुवाका लागि सिफारिस गरेको हो।

बढुवा सिफारिसउपर चित्त नबुझेमा सिफारिस प्रकाशित भएको मितिले ७ दिनभित्र उजुरी दिन सकिने गृह मन्त्रालयले जनाएको छ।