सिन्धुलीमाढी ।सिन्धुलीमा अटो र टाटा सफारी ठोक्किँदा दुई जना घाइते भएका छन् ।

मदन भण्डारी राजमार्गमा भीमानबाट दुधौलीतर्फ गइरहेको बा १७ च ३६०२ नम्बरको टाटा सफारी र विपरीत दिशाबाट आउँदै गरेको को २ ह २९३६ नम्बरको अटो दुधौली नगरपालिका ४ लक्ष्मीपुरमा ठोक्किँदा दुई जना घाइते भएका हुन्।

दुर्घटनामा परि अटो चालक उदयपुर कटारी नगरपालिका ४ का ४५ वर्षीय वकिल बहादुर आले मगर र अटोमा सवार उदयपुर कटारी नगरपालिका ४ की ५० वर्षीय नरीमाया आले मगर रहेको जिल्ला प्रहरी कार्यालय सिन्धुलीका एसपी गोविन्दराज काफ्लेले बताए ।

घार्ईते दुवै जनाको दुधौली नगर अस्पतालमा प्राथमिक उपचार पछि थप उपचारका लागि धुलिखेल अस्पताल रिफर गरिएको प्रहरीले जनाएको छ ।