सिन्धुलीमाढी, १५ भदौ । सत्तारुढ दल नेपाली कांग्रेसको भातृसंघ नेपाल तरुण दल हरिहरपुरगढी गाउँपालिका कार्यसमितिको सभापतिमा मानकुमार माझी निर्वाचित भएका छन् ।

शनिबार हरिहरपुरगढी–२ श्रीपुरमा सम्पन्न पाँचौं अधिवेशनबाट माझी सभापतिमा निर्वाचित भएका हुन् । अधिवेशनबाट प्रथम सभापतिमा कमल विश्वकर्मा, उपसभापति खुमबहादुर बोम्जन, सचिव राजकुमार जिम्बा, सहसचिव कविता तिरुवा र अम्बर गोले तथा कोषाध्यक्ष दोर्जे राई चयन भएका छन् ।

त्यसैगरी सदस्यमा प्रकाश मोक्तान लामा, बुद्ध राई, स्नेहा पहरी र पुस्प राई निर्वाचित भएका छन् ।

कार्यक्रम हरिहरपुरगढी तरुण दलका सभापति मनि राईको अध्यक्षतामा तथा बागमती प्रदेशसभा सदस्य छेत्रबहादुर बम्जनको प्रमुख अतिथ्यतामा सम्पन्न भएको हो ।

अधिवेशनमा कांग्रेसका महासमिति सदस्य मानिक ढकाल, पूर्व जिल्ला सभापति खड्गबहादुर वाइबा, कांग्रेस सिन्धुली जिल्ला सचिव ईश्वर बस्नेत, सहसचिव विष्णु कार्की (विग्रह), नेविसंघ सिन्धुलीका सभापति भरत वि.क, नेपाल लोकतान्त्रिकवादी आदिवासी जनजाति महासंघ सिन्धुलीका अध्यक्ष तथा हरिहरपुरगढी गाउँपालिका उपाध्यक्ष चेखबहादुर थिङ, वडा नं. २ का अध्यक्ष विश्व राईलगायतको उपस्थिति रहेको थियो ।