सिन्धुली, २० भदौ । सिन्धुलीको कमलामाई नगरपालिका–९ बेथाचौडी नजिक आज बिहान ट्रकको ठक्करबाट एकजनाको मृत्यु भएको छ भने अर्का एक जना घाइते भएका छन्।

बागमती प्रदेश ०१–००६८ ९६४४ नम्बरको ट्रकले बिहान करिब ६ बजे ठक्कर दिँदा स्थानीय ४६ वर्षीय भुवन भुजेल गम्भीर घाइते भएका थिए। उपचारका क्रममा बिहान ७ बजे उनको मृत्यु भएको जिल्ला प्रहरी कार्यालय सिन्धुलीले जनाएको छ।

सो घटनामा स्थानीय ६४ वर्षीय टेकप्रसाद दाहाल घाइते भएका छन्। उनको टाउको र छातिमा चोट लागेकाले बर्दिबासस्थित शुभ स्वस्तिक अस्पतालमा उपचारका लागि पठाइएको प्रहरीले जानकारी दिएको छ।