सिन्धुली । महालेखा परीक्षकको कार्यालयले ६२औं वार्षिक प्रतिवेदन सार्वजनिक गरेको छ । कार्यालयले ३१ वैशाखमा प्रतिवेदन सार्वजनिक गरेको हो । यो प्रतिवेदन आर्थिक वर्ष २०८०/०८१ को हो ।

प्रतिवेदन अनुसार सिन्धुलीमा सबैभन्दा कम बेरुजु सुनकोशी गाउँपालिका र दुधौली नगरपालिकामा देखिएको छ । प्रतिवेदनमा सिन्धुलीका ९ स्थानीय तह मध्ये सुनकोशी गाउँपालिका र दुधौली नगरपालिकामा कम बेरुजु देखिएको हो ।

सुनकोशी र दुधौलीमा ०.२७ प्रतिशत मात्रै बेरुजु देखिएको छ, भने गोलन्जोर गाउँपालिकामा सबैभन्दा बढी २.६४ प्रतिशत बेरुजु देखिएको छ । यस्तै कमलामाई नगरपालिकामा ०.७५ प्रतिशत, तीनपाटन गाउँपालिकामा २.०६ प्रतिशत, मरिण गाउँपालिका १.८६ प्रतिशत, हरिहरपुरगढी गाउँपालिका १.२७ प्रतिशत, घ्याङलेख गाउँपालिकाको १.२० प्रतिशत र फिक्कल गाउँपालिकाको १.४४ प्रतिशत बेरुजू देखिएको छ ।

यस्तो छ, ९ पालिकाको बेरुजूः