लेखा समूह सिन्धुलीको क्यालेण्डर विमोचन

माईशिर ८ वैशाख २०८२ २१:२५

सिन्धुलीमाढी, ८ वैशाख । लेखा समूह सिन्धुलीले नयाँ वर्ष २०८२ सालको क्यालेण्डर प्रकाशन गरी विमोचन गरेको छ । समूहले सोमबार एक समारोहका बिच क्यालेण्डर विमोचन गरेको हो ।

लेखा समूह सिन्धुलीका अध्यक्ष पदम मगरको अध्यक्षतामा भएको कार्यक्रम प्रमुख अतिथि प्रमुख जिल्ला अधिकारी लीला प्रसाद शर्माले क्यालेण्डर विमोचन गरेका थिए ।

कार्यक्रममा बोल्दै प्रमुख जिल्ला अधिकारी शर्माले लेखा समूहले विगतदेखि भित्तो पात्रो प्रकाशन गर्दै आइरहेको बताउँदै यस वर्ष पनि निरन्तरता दिएकोमा वर्तमान नेतृत्वलाई धन्यवाद दिए ।

कोष तथा लेखा नियन्त्रक हरिहर शर्मा तिवारीले हालसम्म खेलेको भूमिकाको उच्च प्रशंसा गर्दै आगामी दिनमा संस्थालाई अझै क्रियाशील बनाइराख्न सुझाव दिए ।

कार्यक्रममा कमलामाई नगरपालिका प्रमुख प्रशासकीय अधिकृत विनोद भट्टराई , करदाता सेवा कार्यालय सिन्धुलीका प्रमुख मनोज कुमार न्यौपाने सर लगायतको सहभागिता रहेको थियो ।

यो नेपाली भाषाको अनलाइन समाचार संस्था हो । हामी तपाईहरुमा खासगरी सिन्धुली सहित देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । माईशिरमा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला। हामीलाई पछ्याउनुभएकोमा धन्यवाद।