सिन्धुली । सिन्धुलीको गोलन्जोर गाउँपालिका ७ माथिल्लो बारामा कारले मोटरसाईकलाई ठक्कर दिँदा २ जना घाईते भएका छन् । आज (शुक्रबार) बिहान १० बजे काठमाण्डौबाट बिराटनगरतर्फ आउदै गरेको विएसि १९७९ नम्बरको कारले बर्दिबासबाट काठमाण्डौ जादै गरेको ना ३० प ८३२६ नम्बरको मोटरसाईकलाई ठक्कर दिँदा २ जना घाईते भएका हुन् ।

घाईते हुनेमा मोटरसाईकल चालक रामेछापको मन्थली नगरपालिका ५ का ३० बर्षीय सुर्य प्रसाद आचार्य र मोटरसाईक पछाडी सबार बाराको जितपुर सिमरा उपमहानगरपालिका ४ बस्ने ३१ बर्षीय लोकनाथ वाग्ले रहेका छन् ।

जिल्ला प्रहरी कार्यालय सिन्धुलीका प्रहरी निरिक्षक सुनिल प्रसाद चौरासीयाका अनुसार मोटरसाईकल चालक आचार्यको अवस्था गम्भीर र मोटरसाईक पछाडी सवार वाग्लेको अवस्था मध्यम रहेको छ ।

घाईते दुवै जनालाई उपचारका लागी शुभ–जिवन अस्पताल खुर्कोट पठाईएको र कार सहित चालकलाई नियन्त्रणमा लिईएको उनल बताए ।