२५ माघ २०८१, सिन्धुली । झापाबाट काठमाडौँतर्फ गइरहेको निजी सवारी साधन दुर्घटना भएको छ । विपी राजमार्गअन्तर्गत गोलञ्जोर गाउँपालिका–५ मा आज बिहान भएको दुर्घटनामा एक जनाको मृत्यु भएको छ भने अन्य पाँच जना घाइते भएका छन् । साथै एक जनाको अवस्था गम्भीर छ ।

जिल्ला प्रहरी कार्यालयका एसपी गोविन्दराज काफ्लेका अनुसार दुर्घटनामा गाडीचालक दोलखाको गौरीशंकर गाउँपालिका घर भएका २७ वर्षीय सुशान्त नेपालीको मृत्यु भएको हो ।

कागेश्वरी मनोहरा नगरपालिका–५ का २८ वर्षीया श्वेता गिरी बीर अस्पताल रिफर गरिएको छ । भने, सोही स्थानका २८ वर्षीय सञ्जय रोक्कालाई हेलीमार्फत ग्राण्डी अस्पताल लगिएको छ । त्यसैगरी मोरङ लेटाङ नगरपालिका–२ का ३४ वर्षीय देवी लिम्बू, इलाम देउमाई नगरपालिका–८ का ५३ वर्षीय सनबहादुर तामाङ,झापाको बाह्रगढी गाउँपालिका– १ का २७ वर्षीय किस्कु मण्डल घाइते धरान स्थित घोपा क्याम्प रिफर गरिएको प्रहरीले जनाएको छ ।