सिन्धुली । एसएमसि कप छात्रा भलिबल प्रतियोगिताको उपाधि सिन्धुली बहुमुखी क्याम्पसले जितेको छ ।

कमलामाई नगरपालिका क्याम्पस स्तरीय एसएमसि कप छात्रा भलिबल प्रतियोगितामा मङ्गलवार भएको फाइनल खेलमा कमलामा माध्यमिक विद्यालयलाई पराजित गर्दै सिन्धुली बहुमुखी क्याम्पसले प्रतियोगिताको उपाधि जितेको हो ।

प्रतियोगिताको फाइनल खेलमा सिन्धुली बहुमुखी क्याम्पस सिन्धुलीले कमला माध्यमिक विद्यालय ढुग्रेबास सिन्धुलीलाई २५–१५, २५–९ र २५–१३ सेटमा पराजित गरेको थियो।

प्रतियोगितामा प्रथम हुने बहुमुखी क्याम्पसलाई १५ हजार नगद पुरस्कार, द्वितीय हुने कमलामा माध्यमिक विद्यालय ढुंग्रेबासलाई १० हजार नगद पुरस्कार र तृतीय हुने गौमती बहुमुखी क्याम्पसलाई ५ हजार नगद पुरस्कार शिल्ड, प्रमाणपत्र र मेडल प्रदान गरिएको थियो।

त्यैगरी उत्कृष्ट खेलाडी सिन्धुली बहुमुखी क्याम्पसकी पर्जुना थापा बनेकी थिइन् । उनलाई ट्रफि प्रदान गरिएको थियो । प्रतियोगितामा सहयोग गर्ने, प्रायोजन गर्नेलाई प्रशंसा पत्र प्रदान गरिएको थियो ।

सिन्धुली बहुमुखी क्याम्पसको आयोजनामा असोज १३ गते बाट भएको पहिलो एसएमसि कप छात्रा भलिबल प्रतियोगितामा ९ वटा समूहले भाग लिएका थिए । क्याम्पसले यस्ता खेलकुद प्रतियोगितालाई निरन्तरता गर्दै जाने क्याम्पस प्रमुख भानुभक्त गुरुङले जानकारी दिए । फरक क्षमता भएका छात्राहरूलाई प्रतियोगितामा सहभागी गराएर प्रतियोगितालाई सफल बनाउन सहयोग गरेकोमा नवज्योति बहिरा स्कुलका प्रधानाध्यापक विजय तामाङलाई प्रशंसा पत्र प्रदान गरिएको थियो ।

क्याम्पस प्रमुख गुरुङले प्रतियोगितामा सहभागी हुने क्याम्पस, खेलाडी लगायत प्रत्यक्ष तथा अप्रत्यक्ष रूपमा खेल सम्पन्न गर्न सहयोग गर्ने सवैमा  धन्यवाद दिए । विद्यार्थीहरूलाई पढाइ सँगै खेलकुद पनि उत्तिकै जरुरी छ । खेलकुदले पठनपाठनलाई थप प्रभावकारी बनाउँछ उनले  भने, “खेलकुदबाट प्रत्यक्ष लाभ भनेको शारीरिक स्वास्थ्य वा तन्दुरुस्ती हो । त्यसबाहेक यसले रणनीतिक क्षमताको विकास गर्छ । नेतृत्व कला सिकाउँछ । सामूहिक सहकार्यको भावना जगाउँछ ।