सिन्धुली, ४ भदौ / सिन्धुलीमा थर्ड पार्टी बीमाको भुक्तानी गरिएको छ। सिद्धार्थ प्रिमियर इन्सुरेन्स कम्पनी लिमिटेडले दुर्घटनामा ज्यान गुमाएका व्यक्तिको परिवारलाई बीमा रकम हस्तान्तरण गरेको हो।

तीनपाटन गाउँपालिका–९ आम्बोटे बाङररिङ बेसीका मीनबहादुर तामाङको वैशाख ७ गते धादिङको कृष्णभीरमा मोटरसाइकल दुर्घटनामा मृत्यु भएको थियो। तामाङले एपाच्चे आरटीएस बा.प्र. ०२०२४ प. ४०५४ नम्बरको मोटरसाइकलको  काठमाण्डौको सोह्रखुट्टेबाट १ हजार ९ यस ३१ रुपैयाँमा थर्ड पार्टी बीमा गरेका थिए।

बीमा कम्पनीहरूले प्रायः रकम दिन आनाकानी गर्ने गरेको गुनासो रहेपनि सिद्धार्थ प्रिमियर इन्सुरेन्सले भने तीन महिनाभित्रै मृतकका पिता रुद्रबहादुर तामाङलाई करबाहेक नगद ५ लाख रुपैयाँ हस्तान्तरण गरेको कम्पनीका निमित्त शाखा प्रमुख किसान थापाले जनाकारी दिए ।