बीपी राजमार्गमा पिकअप दुर्घटना, मकवानपुरका धर्मराज रेग्मी मृत्यु, भाइ घाइते

सिन्धुली, ९ साउन । सिन्धुलीको सुनकोशी गाउँपालिका–६ शितलपाटीस्थित बीपी राजमार्गमा मध्यराति भएको गम्भीर सवारी दुर्घटनामा मकवानपुर मनहरी गाउँपालिका–४ निवासी धर्मराज रेग्मीको मृत्यु भएको छ भने उनका भाइ निरज रेग्मी गम्भीर घाइते भएका छन् ।
काठमाण्डौबाट बर्दिबासतर्फ जाँदै गरेको बा.प्र.०१–०२४ च ९९१३ नम्बरको योद्दा पिकअप राति करिब साँढे बाह्र बजे सडकबाट करिब पाँच सय मिटर तल खोंचमा खसेको थियो । दुर्घटनापछि गम्भीर घाइते धर्मराज रेग्मीलाई उद्धारगरी सुनकोशी सामुदायिक अस्पताल खुर्कोट पुर्याइएपनि बिहान पौने तीन बजे चिकित्सकले मृत घोषणा गरेको जिल्ला प्रहरी कार्यालय सिन्धुलीका प्रवक्ता प्रहरी नायव उपरीक्षक (डिएसपी) सूर्य प्रकाश सुवेदीले जानकारी दिए।
दुर्घटनामा परेका चालक समेत रहेका उनका भाइ निरज रेग्मीलाई भने थप उपचारका लागि धुलिखेल अस्पताल पठाइएको प्रहरीले जनाएको छ । मृतकको शव पोष्टमार्टमका लागि सिन्धुली अस्पताल ल्याइएको छ ।
माईशिर डटकममा प्रकाशित सम्पूर्ण समाचार, लेख, रचना, फोटो, भिडियो, तथ्याङ्क तथा डिजिटल सामग्रीहरू हाम्रो बौद्धिक सम्पत्ति हुन्। अनुमति बिना साभार, प्रतिलिपि वा पुनःप्रकाशन गर्न पाइने छैन। यस्ता कार्यहरू गरेमा प्रतिलिपि अधिकार ऐन, २०५९ अनुसार कानुनी कारबाही गरिने छ ।
© माईशिर डटकम
फेसबुक प्रतिक्रिया