गोलन्जोरमा जारी दोस्रो अध्यक्ष कप फुटबल प्रतियोगितामा उपाधिको लागी भोलि यी टिम भिड्दै  

सिन्धुली । जिल्लाको गोलन्जोर गाउँपालिकामा आयोजना भइरहेको दोस्रो अध्यक्ष कप फुटबल प्रतियोगिता २०८१ को फाइनल खेल भोलि बिहान वडा नं. ४ को खोकलिङ खेलमैदानमा हुनेछ । यस फाइनल खेलमा वडा नं. ४ तीनकन्या र वडा नं. ७ खुर्कोटका टोलीहरू आमने–सामने हुनेछन् ।
सेमिफाइनलमा तीनकन्याले वडा नं ३ लाई तीन गोलले पराजित गर्दै फाइनलमा प्रवेश गरेको छ भने वडा नं ७ खुर्कोटले पनि १ गोलले वडा नं २ लाई पराजित गरेर जित हासिल गरी फाइनलमा पुगेको छ ।  दुवै टोलीहरूले भोलि बिहान ९ बजे हुने फाइनलमा उत्कृष्ट प्रदर्शन गर्ने अपेक्षा गरिएको छ ।
गाउँपालिका प्रमुख, स्थानीय नेतृत्व र खेल प्रेमीहरूको उपस्थितिमा यो रोमाञ्चक फाइनल खेल हुनेछ ।
फाइनल खेलको उपाधि विजेतालाई  ६२ हजार ५ सय नगद पुरस्कार र  शिल्ड मेडल र प्रमाणपत्र  प्रदान गरिनेछ । यसरी नै उप–विजेतालाई पनि ३७ हजार ५ सय नगद शिल्ड मेडल र प्रमाणपत्र सहित पुरस्कृत गरिनेछ ।  भने, तेस्रो हुने  टिमलाई २५ हजार नगद पुरस्कार  सहित शिल्ड मेडल र प्रमाणपत्र प्रदान गरिने खेलकुद विकास समितिका अध्यक्ष रञ्जित देवकोटाले जानकारी दिए ।  देवकोटाको अनुसार तेस्रो स्थानको लागि भोलि बिहान ६ बजे वडा नं २ बितिजोर र वडा नं ३ ग्वाल्टार प्रतिस्पर्धा गर्नेछन् ।
त्यसै गरी, उत्कृष्ट गोल कर्ता, उत्कृष्ट गोल रक्षक र उत्कृष्ट खेलाडी लाई तीन / तीन हजार पुरस्कारको साथमा प्रमाणपत्र प्रदान गरिने छ । पालिकाको ७ वटा वडा र १ कर्मचारीको टिम गरी खेलमा ८ वटा टिम को सहभागिता रहेको थियो ।
प्रतियोगिताको गाउँपालिका अध्यक्ष शङ्कर राज बराल र उपाध्यक्ष ज्वाला प्रसाद न्यौपाने ( पुकार) ले बिहीबार उद्घाटन गरेका थिए ।
स्थानीय खेलाडीहरूको सहभागिता र उत्साहले यस प्रतियोगितालाई सफल बनाउने अपेक्षा छ ।

माईशिर डटकममा प्रकाशित सम्पूर्ण समाचार, लेख, रचना, फोटो, भिडियो, तथ्याङ्क तथा डिजिटल सामग्रीहरू हाम्रो बौद्धिक सम्पत्ति हुन्। अनुमति बिना साभार, प्रतिलिपि वा पुनःप्रकाशन गर्न पाइने छैन। यस्ता कार्यहरू गरेमा प्रतिलिपि अधिकार ऐन, २०५९ अनुसार कानुनी कारबाही गरिने छ ।
© माईशिर डटकम

ताजा अपडेट

लोकप्रिय

सम्बन्धित खबर