सिन्धुली । छठ पर्वको मुख्य दिन बिहीबार साँझ ब्रतालुले अस्ताउँदो सूर्यको पूजा आराधना गरी अर्घ दिएका छन् ।बिहीबार सिन्धुलीमाढी छठघाटहरुमा पुगेका ब्रतालुले छठको पूजा गरी सूर्यको उपासना गरेका छन् ।

बिहीबार सूर्यास्तअघि नै ब्रतालुहरु सिन्धुलीमा रहेको ग्वाङ् (गौमती) खोला छठघाटमा पुगेर आआफ्नो छठघाट सजाइसकेका थिए । त्यसपछि अस्ताउँदो सूर्यलाई अर्घ दिए ।कतिपय ब्रतालु बिहीबार रातभर जाग्राम बसेर भोलि बिहान उदाउँदो सूर्यलाई अर्घ दिन्छन् ।

सिन्धुलीमा बसोबास गर्दै आएका तराईबासीले यहीँका छठघाटमा पूजा आराधना गर्दै आएका छन् । सिन्धुलीको भिमान् , डकाहा, दुधौलीमा बसोबास गर्ने तराईवासीले कमला नदीमा ठाउँठाउँमा छठ पूजास्थलमा पूजा गरिएको छ ।

हेर्नुहोस् सिन्धुलीमाढीमा गरिएको छठपूजाका तस्वीरहरु:-