सिन्धुली। एक जुवा खालबाट प्रहरीले वडाध्यक्ष सहित ८ जनालाई पक्राउ गरेको छ ।

सिन्धुली प्रहरीले जुवा खेलिरहेको अवस्थामा  शुक्रवार राती दुधौली नगरपालिका ७ वडाध्यक्ष राजन दाहाल सहित ८ जनालाई पक्राउ गरेको हो ।

जुवा खेलिरहेको भन्ने गोप्य सूचनाको आधारमा राती साँढे १२ बजे प्रहरीले कटहरेका राजेन्द्र थापाको घरबाट ४३ हजार १ सय ७० रुपैयाँ नगद सहित १६ थान कौडा समेत बरामद गरेको थियो । साथै उनीहरूको मोबाइल, मोटरसाइकल लगायतको सामान प्रहरीले बरामद गरेको स्थानीयले जानकारी दिएका छन् ।

वडाध्यक्ष दाहाल सहित ८ जनालाई पक्राउ गरी इलाका प्रहरी कार्यालय डकाहा मा राखिएको छ। थप अनुसन्धान भइरहेको जिल्ला प्रहरी कार्यालय सिन्धुलीका एसपी गोविन्दराज काफ्लेले बताउनुभयो । राजन दाहाल नेपाली काँग्रेसबाट २०७९ मा निर्वाचित वडाध्यक्ष हुन् ।