नेकपा एमाले गोलन्जोर–काठमाडौं सम्पर्क मञ्चको नेतृत्वमा श्रेष्ठ निर्वाचित

सिन्धुली । नेकपा एमाले गोलन्जोर –काठमाडौं सम्पर्क मञ्चको अध्यक्षमा भीम बहादुर श्रेष्ठ (निकेश) निर्वाचित भएको छ । सम्पर्क मञ्चको शनिवार भएको चौथो पालिका  सम्मेलनबाट अध्यक्षमा श्रेष्ठ निर्वाचित भएका हुन् ।

मञ्चको उपाध्यक्षमा कमल बहादुर  श्रेष्ठ, महिला उपाध्यक्षमा सुनिता बराल, सचिवमा अर्जुन बहादुर थापा, सहसचिवमा निरज भुजेल र महिला सहसचिवमा यमुना श्रेष्ठ र कोषाध्यक्षमा बुद्धिमान माझी निर्वाचित भएका छन । मञ्चको कुल १७ सदस्यीय कमिटी निर्वाचित भएका छन् ।

चौथो पालिका सम्मेलन एमालेका उपाध्यक्ष केन्द्रीय सदस्य तथा सिन्धुली जिल्ला इन्चार्ज मनोज जंग थापाले उदघाटन गरेका थिए । उदघाटनमा पूर्व  संघीय मामिला तथा सामान्य प्रशासनमन्त्री गणेश कुमार पहाडी, केन्द्रीय सदस्य निर कुमारी दर्लामी, उमा कोइराला, बागमती प्रदेश सदस्य प्रदीप कटुवाल, विनेद खड्का , नेकपा एमाले सिन्धुली –काठमाण्डौ सम्पर्क मञ्चका अध्यक्ष बद्री विक्रम काफ्ले, एमाले सिन्धुलीका अध्यक्ष महेन्द्रदेव श्रेष्ठ  लगायत जिल्लाका नेता तथा कार्यकताहरुको उपस्थिती रहेको थियो ।


माईशिर डटकममा प्रकाशित सम्पूर्ण समाचार, लेख, रचना, फोटो, भिडियो, तथ्याङ्क तथा डिजिटल सामग्रीहरू हाम्रो बौद्धिक सम्पत्ति हुन्। अनुमति बिना साभार, प्रतिलिपि वा पुनःप्रकाशन गर्न पाइने छैन। यस्ता कार्यहरू गरेमा प्रतिलिपि अधिकार ऐन, २०५९ अनुसार कानुनी कारबाही गरिने छ ।
© माईशिर डटकम

ताजा अपडेट

लोकप्रिय

सम्बन्धित खबर