आदिवासी जनजाति युवा महासंघको केन्द्रीय अध्यक्षमा सिन्धुलीका श्रेष्ठ निर्वाचित
माईशिर ८ वैशाख २०८२ २१:५१
सिन्धुली । ओखलढुङ्गामा सम्पन्न आदिवासी जनजाति युवा महासंघको छैठौं संघीय महाधिवेशनबाट सिन्धुलीका किरण श्रेष्ठ अध्यक्षमा निर्वाचित भएका छन् । अध्यक्षका प्रतिस्पर्धी मानबहादुर सुनुवार र मन्जु थापा मगरलाई हराउँदै श्रेष्ठ अध्यक्षमा विजयी भएका हुन् ।
श्रेष्ठले ६९, सुनुवारले ४९ र थापामगरले ३९ मत प्राप्त गरेका छन् । वरिष्ठ उपाध्यक्षमा सुभ लाल राई, सङ्घीय उपाध्यक्षमा मनराज गुरुङ, महिला उपाध्यक्षमा सुप्रिया राई र सुचिउन्मुख उपाध्यक्षमा देव बाहिङ विजयी भएका छन् ।
महासंघको महासचिवमा घम्बा तामाङ, उपमहासचिवमा सुवास मोक्तान र कोषाध्यक्षमा रब्बा शेर्पा विजयी भएका छन् । यसैगरी महाधिवेशन बाट सात वटै प्रदेशमा सात जना सचिव निर्वाचित भएका छन् ।
सचिव १ मा टार्जन सुनुवार, २ मा जितेन्द्र सुमार सिं, ३ मा योगेश मोक्तान, ४ मा रेखा लोप्चन तामाङ, ५ मा अर्जुन गुरुङ, ६ मा पेमा वाङ्मो लामा र ७ मा तुलबहादुर थापा मगर निर्वाचित भएका छन् ।
जिएस गुरुङको अध्यक्षतामा सम्पन्न भएको निर्वाचन बाट ३० जना सङ्घीय सदस्य निर्वाचित भएका छन् ।
नवनिर्वाचित अध्यक्ष श्रेष्ठले आदिवासी जनजाति समुदायको हक अधिकार सुनिश्चित गर्न, युवाहरूको क्षमताको विकास गर्न तथा नीति निर्माण तहमा पहुँच विस्तार गर्ने योजनासहित कार्य अघि बढाउने प्रतिबद्धता व्यक्त गरेका छन् ।
पदाधिकारी छनौटमा सहमति हुन नसकेपछि मतदान प्रक्रिया मार्फत कार्य समिति छनौट गरिएको हो । शनिवार ओखलढुङ्गा सदरमुकाम स्थित जिल्ला समन्वय समितिको सभा हलमा रक्षा मन्त्री मानवीर राईले महासंघको छैठौं महाधिवेशन उद्घाटन गरेका थिए ।
माईशिर डटकममा प्रकाशित सम्पूर्ण समाचार, लेख, रचना, फोटो, भिडियो, तथ्याङ्क तथा डिजिटल सामग्रीहरू हाम्रो बौद्धिक सम्पत्ति हुन्। अनुमति बिना साभार, प्रतिलिपि वा पुनःप्रकाशन गर्न पाइने छैन। यस्ता कार्यहरू गरेमा प्रतिलिपि अधिकार ऐन, २०५९ अनुसार कानुनी कारबाही गरिने छ ।
© माईशिर डटकम
फेसबुक प्रतिक्रिया