सिन्धुली,कात्तिक २२ । राष्ट्रिय लोक तथा दोहोरी गीत प्रतिष्ठान, सिन्धुलीका अध्यक्ष नन्दलाल श्रेष्ठ ‘भावुक’को शब्दमा तयार गरिएको “मोबाइलको कमाल” बोलको लोकदोहोरी गीत सार्वजनिक गरिएको छ ।

सुनाखरी मल्टिमिडिया युट्युब च्यानलमार्फत शुक्रबार उक्त गीतको भिडियो सार्वजनिक गरिएको हो । सार्वजनिक कार्यक्रममा स्थानीय कलाकार, संगीतप्रेमी र सञ्चारकर्मीको उपस्थितिमा गीतको औपचारिक प्रिमियर सो सिन्धुलीमाढीमा आयोजना गरिएको थियो ।

गीतमा नन्दलाल श्रेष्ठ र प्रतिमा अर्यालको स्वर रहेको छ भने लय दिल्ली काफ्लेको रहेको छ । गीतको एरेन्ज आरके मिलनले गरेका हुन् । भिडियोमा नन्दलाल श्रेष्ठ, शिशिर बुढाथोकी र निता ढुङ्गानाको आकर्षक अभिनय समावेश गरिएको छ ।

भिडियोको निर्देशन र कोरियोग्राफी शिशिर बुढाथोकीले गरेका छन् । गीतले आधुनिक जीवनशैलीमा मोबाइलको प्रभाव र त्यसले ल्याएको सामाजिक परिवेशलाई मनोरञ्जनात्मक ढंगले प्रस्तुत गरेको छ ।

यसअघि गायक तथा सर्जक श्रेष्ठको शब्दमा “साच्न सकिन तिम्रो माया” शीर्षकको आधुनिक गीत पनि सार्वजनिक भइसकेको छ ।

भिडियोः