सिन्धुली । राष्ट्रसेवक बचत तथा ऋण सहकारी संस्था लिमिटेडको अध्यक्षमा तिलकबहादुर कार्की सर्वसम्मत रूपमा निर्वाचित भएका छन् । शनिबार सिन्धुलीमाढीमा सम्पन्न संस्थाको १८औँ साधारणसभा तथा अधिवेशनबाट कार्की अध्यक्षमा चयन भएका हुन् ।

कार्कीको नेतृत्वमा ११ सदस्यीय नयाँ कार्यसमिति सर्वसम्मत रूपमा गठन गरिएको छ । जसअन्तर्गत उपाध्यक्षमा दीपकराज तिमल्सिना, सचिवमा वेदराज काफ्ले र कोषाध्यक्षमा युवराज थापा ‘अटल’ निर्वाचित भएका छन् । सदस्यहरूमा कुमार थापा, बसन्ता घिमिरे, चन्द्रबहादुर मगर, राजेश फुयाँल, अनिता मगर, लोकेन्द्र भण्डारी र गोविन्दबहादुर बस्नेत रहेका छन् ।

अधिवेशनले विभिन्न उपसमिति तथा समिति पनि निर्वाचित गरेको छ । बद्रीनारायण श्रेष्ठको अध्यक्षतामा लेखा सुपरिवेक्षक समिति गठन गरिएको छ । समितिका सदस्यहरूमा ललराम अधिकारी र सरोज फुयाँल रहेका छन् ।

यस्तै, ऋण उपसमितिको संयोजकमा दीपकराज तिमल्सिना चयन भएका छन् भने सदस्यहरूमा राजकुमार प्रसाईं र जीतबहादुर खत्री निर्वाचित भएका छन् । बसन्ता घिमिरेको संयोजकत्वमा गठन भएको तीन सदस्यीय महिला उपसमितिमा राधा कुमारी कोईराला र इन्द्रिका थापा सदस्य रहेका छन् ।

शिक्षा उपसमितिको संयोजकमा चन्द्रबहादुर मगर निर्वाचित भएका छन् भने सदस्यहरूमा सन्तोष बराल र लोकमणि तिमल्सिना रहेका छन् । त्यस्तै, सल्लाहकार समितिमा पदमबहादुर मगर, डिल्लीप्रसाद घिमिरे, अमरबहादुर भुजेल, बविन्द्रलाल माझी, कृष्णप्रसाद बराल, गोकर्णप्रसाद सुवेदी, गणेशबहादुर श्रेष्ठ, हिमाल विक र घनश्याम देवकोटा चयन भएका छन् ।

निर्वाचित कार्यसमितिलाई निर्वाचन मण्डलका संयोजक गुणविक्रम कुँवरले सपथ ग्रहण गराएका थिए । कार्यक्रममा नेपाल निजामती कर्मचारी संगठनकी केन्द्रीय अध्यक्ष भवानी न्यौपाने दाहालले नवनिर्वाचित पदाधिकारीहरूलाई बधाई ज्ञापन गर्दै प्रमाणपत्र वितरण गरेकी थिइन् ।