सिन्धुली, कात्तिक १८ । सिन्धुली जिल्ला प्रशासन कार्यालयमा नयाँ प्रमुख जिल्ला अधिकारी (सिडिओ) का रूपमा स्किम श्रेष्ठले आज (मंगलबार) कार्यभार सम्हालेकी छिन्।

गृह मन्त्रालयले गत कात्तिक ९ गते देशभरका ३६ जिल्लाका सिडिओहरूको सरुवा निर्णय गरेको थियो। सोही निर्णयअनुसार मकवानपुरकी सिडिओ रहेकी श्रेष्ठलाई सिन्धुली पठाइएको हो।

यसअघि सिन्धुलीमा कार्यरत प्रमुख जिल्ला अधिकारी दिनेश सागर भुसाललाई रौतहटमा सरुवा गरिएको छ। भुसालले २०८२ असार ११ गते सिन्धुलीमा कार्यभार सम्हालेका थिए।

सिडिओ श्रेष्ठले आजदेखि औपचारिक रूपमा पदभार ग्रहण गर्दै जिम्मेवारी सम्हालेकी छन्।