सिन्धुलीमाढी, १५ भदौ  /  सिन्धुलीमा सामान्य विवाद हुँदा छोराले खन्ती प्रहार गरी आफ्नै आमाको हत्या गरेका छन्।

सिन्धुलीको दुधौली नगरपालिका–१४, ककुरठाकुरस्थित भौडीका  ४० वर्षीय तुलाराज सुनुवारले घरायसी विषयमा सामान्य विवादका क्रममा आज विहान साँढे ११ बजेको समयमा आफ्नी ६५ वर्षीया आमा फालकुमारी सुनुवारमाथि फलामको खन्तीले टाउको र छातीमा प्रहार गरेर विभत्स हत्या गरेको जिल्ला प्रहरी कार्यालय सिन्धुलीका सूचना अधिकारी प्रहरी नायव उपरीक्षक (डीएसपी) सूर्यप्रकाश सुवेदीले माईशिर डटकमलाई जनाकारी लिए । सोही प्रहारबाट घटनास्थलमै आमाको मृत्यु भएको प्रहरीले जनाएको छ।

घटनापछि भाग्नेका सुनुवारलाई दुधौली प्रहरी चौकी र इलाका प्रहरी कार्यालय डकाहाबाट खटिएको प्रहरी टोलीले नियन्त्रणमा लिएको थियो । प्रहरीले नियन्त्रणमा लिएका सुनुवारलाई ईलाका प्रहरी कार्यालय डकाहामा राखेर घटनाबारे थप अनुसन्धान गरिने प्रहरी निरीक्षक सिमोन धितालले बताइन् ।