सिन्धुली, १५ जेठ २०८२। गणतन्त्र दिवसको अवसरमा नेकपा (एमाले) कमलामाई नगर कमिटिले सिन्धुली अस्पतालमा उपचाररत विरामीहरुलाई फलफूल वितरण गरेको छ। पार्टीका नेता तथा कार्यकर्ताहरूको सहभागितामा अस्पतालमा भर्ना भएका ३२ जना विरामीलाई यो सहयोग पुर्याइएको हो।

नगर कमिटीका अध्यक्ष सुन्दर घिसिङले गणतन्त्र दिवसको महत्त्व र यसले समाजसँग साझेदारी गर्ने पार्टीको प्रतिबद्धताको रूपमा यो कार्यक्रम आयोजना गरिएको बताए। उनले यसरी सामाजिक उत्तरदायित्व निर्वाह गर्ने पार्टीको प्रयास अगाडि बढाइने पनि जनाए।

साथै बेलुका लोकतान्त्रिक चोकमा दीप प्रज्वलन र कोण सभा गरी गणतन्त्र दिवस मनाइने घिसिङले बताए। नेपालमा सङ्घीय लोकतान्त्रिक गणतन्त्रको स्थापनालाई सम्झने र यसको महत्त्व जनमानसमा पु¥याउन देशभर विभिन्न कार्यक्रम आयोजना भएका छन्।