प्राथमिक विद्यालय ट्वाङट्वाङ्गेको नयाँ भवन उद्घाटन

सिन्धुली, ८ जेठ । गोलन्जोर गाउँपालिका वडा नं. ४ ट्वाङट्वाङ्गेमा अवस्थित  प्राथमिक विद्यालय ट्वाङट्वाङ्गेको नवनिर्मित भवनको उद्घाटन तथा हस्तान्तरण समारोह आज सम्पन्न  भएको छ।
 भवन उद्घाटन तथा हस्तान्तरण समारोहका प्रमुख अतिथि समेत रहेका गाउँपालिका अध्यक्ष शंकर राज बरालले भने, “यो नयाँ भवन केवल इमारत मात्र होइन, यो हाम्रो सामुदायिक एकताको प्रतीक हो। यसले हाम्रा साना बच्चाहरूलाई उच्च शिक्षा प्राप्त गर्न राम्रो वातावरण प्रदान गर्नेछ। हामी स्थानीय सरकार, सहयोगी संस्था र समुदायको साझा प्रयासलाई सराहना गर्दछौँ।”
विद्यालय भवन ब्याक टू लाइफ ई भी जर्मनीको आर्थिक सहयोग र सामुदायिक पद्धति विकास सेवा सिन्धुलीको प्राविधिक सहयोगमा निर्माण भएको हो। ४ कोठे पक्की संरचना र फर्निचर सहितको यस भवनको कुल लागत १ करोड ४ लाख ३८ हजार ५ सय ६८ रुपैयाँ १ पैसा रहेको छ।
 कार्यक्रममा गाउँपालिका उपाध्यक्ष ज्वाला प्रसाद न्यौपाने, प्रमुख प्रशासकीय अधिकृत चन्द्रकान्त चौधरी, ब्याक टू लाईफको कार्यक्रम निर्देशक डेकेन्द्र लाल ढकाल, वडा अध्यक्ष भक्त बहादुर भुजेल (अर्जुन), र कृष्ण प्रसाद पोख्रेल (केपी), ब्याक टू लाईफ म्यानेजर अनुप पौडेल लगायत अन्य जनप्रतिनिधि, राजनीतिक दलका प्रतिनिधि, अभिभावक तथा विद्यार्थीहरू उपस्थिति रहेको थियो।
 विद्यालय व्यवस्थापन समिति अध्यक्ष भुवन आले मगरले निर्माण समिति, सहयोगी संस्था र स्थानीय समुदायलाई आभार व्यक्त गर्दै यो भवनले शिक्षा क्षेत्रमा ठुलो योगदान दिने विश्वास बताए।
 नयाँ भवनले स्थानीय विद्यार्थीहरूको शैक्षिक गुणस्तर सुधार्न मद्दत गर्ने अपेक्षा गरिएको छ।

माईशिर डटकममा प्रकाशित सम्पूर्ण समाचार, लेख, रचना, फोटो, भिडियो, तथ्याङ्क तथा डिजिटल सामग्रीहरू हाम्रो बौद्धिक सम्पत्ति हुन्। अनुमति बिना साभार, प्रतिलिपि वा पुनःप्रकाशन गर्न पाइने छैन। यस्ता कार्यहरू गरेमा प्रतिलिपि अधिकार ऐन, २०५९ अनुसार कानुनी कारबाही गरिने छ ।
© माईशिर डटकम

सम्बन्धित खबर