सिन्धुली। सिन्धुली जिल्लाको गोलन्जोर गाउँपालिका वडा नं. ७, तल्लो बजार नजिक सुनकोशी नदीमा एक बेवारिस पुरुषको शव फेला परेको छ।

प्रहरीका अनुसार, मंगलबार दिउँसो करिब ३ बजे नदीमा बग्दै आएको पुरुषको शव देखिएपछि स्थानीय प्रहरी कार्यालय खुर्कोटलाई सूचना पुगेको थियो। घटनास्थलमा प्रहरी निरीक्षक बसन्त बहादुर भुजेलको नेतृत्वमा पाँच सदस्यीय प्रहरी टोली र गोताखोर दल पुगेर शव निकाल्ने कार्य सम्पन्न गरे।

शव करिब ४०–४५ वर्ष उमेरको देखिने पुरुषको रहेको छ। उनको दाहिने हातको नाडीमा ‘NURJIT’ लेखिएको ट्याटु, दाहिने कानमा चाँदीजस्तो दुईवटा मुद्रा र निलो कट्टुमा तीनवटा रातो धर्सा देखिएको प्रहरीले जनाएको छ।