सिन्धुलीमा हिरोइनसहित दुई युवक पक्राउ

जेठ ४, सिन्धुली । सिन्धुलीको भीमान चेकपोष्ट खैरो हिरोइन बोक्ने दुई युवक प्रहरीको संयुक्त अभियानमा पक्राउ परेका छन्। शनिवार लागू औषध नियन्त्रण ब्युरो बर्दिबास, इलाका प्रहरी कार्यालय भिमान र ट्राफिक प्रहरीले संयुक्त रूपमा चेकिङ गर्दा यी दुईलाई नियन्त्रणमा लिइएको हो।
पक्राउ परेकामध्ये एक जना काठमाडौँका ३३ वर्षीय एन्जल ओली र अर्को नुवाकोटका २९ वर्षीय सुशील लामा हुन्। जनकपुरबाट काठमाडौँ जाँदै गरेको प्रदेश नं। ३–०२–०१३ प ३८६३ को मोटरसाइकल चेक गर्दा सुशील लामाको झोलाबाट १९ ग्राम ११० मिलिग्राम खैरो हिरोइन (प्लास्टिक बाहेक) फेला परेको प्रहरीले जनाएको छ।
हाल उनीहरूलाई मोटरसाइकलसहित नियन्त्रणमा राखिएको छ भने लागू औषध सम्बन्धी मुद्दा दर्ता गरिएको छ। अनुसन्धानका लागि जिल्ला अदालत सिन्धुलीबाट पाँच दिनको म्याद लिइएको छ।

माईशिर डटकममा प्रकाशित सम्पूर्ण समाचार, लेख, रचना, फोटो, भिडियो, तथ्याङ्क तथा डिजिटल सामग्रीहरू हाम्रो बौद्धिक सम्पत्ति हुन्। अनुमति बिना साभार, प्रतिलिपि वा पुनःप्रकाशन गर्न पाइने छैन। यस्ता कार्यहरू गरेमा प्रतिलिपि अधिकार ऐन, २०५९ अनुसार कानुनी कारबाही गरिने छ ।
© माईशिर डटकम

ताजा अपडेट

लोकप्रिय

सम्बन्धित खबर