हेटौंडा । हेटौंडामा प्रदेश युवा सम्मेलन भएको छ । आजबाट तीन दिन सम्म चल्ने युवा सम्मेलनको बागमती प्रदेशका मुख्यमन्त्री बहादुर सिंह लामा तामाङले उद्घाटन् गरे । बागमती प्रदेश युवा परिषद्को आयोजनामा आज देखि हेटौंडामा तीन दिन सम्म चल्ने प्रदेश युवा सम्मेलन सुरु भएको हो ।

युवा सम्मेलन सुरु हुनु अगाडी हेटौंडाको बुद्धचोकबाट खैजेडी भजन, झाँकी सहितको र्यालीले मेनरोड हुँदै हेटौंडाको मोटल एभोकाडोमा आएर औपचारिक कार्यक्रममा परिणत भएको थियो । कार्यक्रमको उद्घाटन्का अवसरमा बोल्दै प्रदेशका मुख्यमन्त्री लामाले युवाहरुका निम्ती प्रदेश सरकारले काम गरिरहेको बताए । युवाहरुलाई लक्षित गरेर धेरै खालका सिप सिकाउने काम भएको र स्वरोजगार बन्न चाहनेहरुका लागि लगानी गरिएको बताए ।

तीन दिन सम्मको सम्मेलनमा डिजिटल सुशासन र प्रविधिमा युवा, शिक्षा, सिप, सृजना, दिगो विकासमा जलवायु परिवर्तन, युवामा सिपमुलक तालिमको आवस्यक्ता अनी प्राथमिकता, नीति नेतृत्व र युवा संलग्नता, मुख्यमन्त्रीसंग युवा बिषयक छलफल गरिने प्रदेश युवा परिषद्का कार्यकारी उपाध्यक्ष सन्तोष चौलागाईले बताए । ।

सम्मेलनमा विभिन्न विषयमा ६ वटा छलफलको आयोजना गरिने उनले बताए । सम्मेलनमा युवा पुस्ताको सफलताको कथा प्रस्तुती हुनेछ ।

मंगलबारसम्म सञ्चालन हुने सम्मेलनमा देशका सातै प्रदेशका युवाको समेत सहभागिता रहेकोछ । अनलाइनमार्फत आवेदन दिएका प्रदेशभित्रका युवा, बागमती प्रदेशका ११९ वटै पालिकालाई एक, एक जना सहभागी पठाउन आग्रह बमोजिम सिफारिस भएका युवा र सातै प्रदेशका प्रदेश युवा परिषद् वा सामाजिक विकास मन्त्रालयको सिफारिसमा युवाको सहभागिता रहेको छ । युवाहरुलाई युवालाई नवप्रवर्तन र उद्यमशीलताको क्षेत्रमा प्रोत्साहित गर्ने उद्देश्य रहेको चौलागाईले बताए ।