सिन्धुली। ग्वाङखोलाको खड्कुले दहमा पौँडी खेल्ने क्रममा डुबेर १६ वर्षीय किशोरको मृत्यु भएको छ। मृतक कमलामाई नगरपालिका–७ बुद्धानगरचोक निवासी प्रतिक देवकोटा (गोलन्जोर गाउँपालिका, खुर्कोटको स्थायी बासिन्दा) हुन्।

घटना बुधबार दिउँसो १२ः५० बजे घटेको हो। देवकोटा साथीहरूसँग पौँडी खेल्न गएका थिए। खेल्ने क्रममा उनी दहमा डुबिएपछि घाइते अवस्थामा सिन्धुली जिल्ला अस्पताल लगियो, तर १ः१५ बजे डाक्टरले उनको मृत्यु प्रमाणित गरे।

प्रतिक सिद्धबाबा बोडिङ स्कूलको कक्षा ९ का विद्यार्थी थिए। उनका अभिभावक उत्तम पहाडीको घरमा बस्दै आएका थिए।

स्थानीय प्रहरीले घटनाको छानबिन गरिरहेको छ।