निजामती कर्मचारी संगठन सिन्धुलीले मनायो स्थापना दिवस

सिन्धुली । नेपाल निजामती कर्मचारी संगठन सिन्धुलीले आफ्नो स्थापना दिवस मनाएको छ । संगठनले आइतबार बिहान सिन्धुलीमाढीमा बिरुवा गोडमेल तथा मलजल गरेर स्थापना दिवस मनाएको हो ।
नेपाल निजामती कर्मचारी संगठन सिन्धुलीका अध्यक्ष डिल्ली सौगात घिमिरेको अध्यक्षता एवं नेपाल निजामती कर्मचारी सङ्गठन केन्द्रीय सदस्य पदम बहादुर मगरको प्रमुख आतिथ्ययतामा नापी कार्यालय र प्रमुख जिल्ला अधिकारीको सरकारी निवास अगाडी बीपी राजमार्ग किनारमा रहेका पुराना बिरुवामा गोडमेल तथा मलजल गरेर स्थापना दिवस मनाएको हो ।
निजामती कर्मचारी संगठन सिन्धुलीले हरेक वर्ष वैशाख ७ गते आफ्नो स्थापना दिवस मनाउँदै आएको छ ।
प्रमुख जिल्ला अधिकारी लीला प्रसाद शर्माले लामो इतिहास भएको नेपाल निजामती कर्मचारी संगठनमा आबद्ध कर्मचारीको देशका हरेक परिवर्तनमा महत्त्वपूर्ण भूमिका रहेको चर्चा गर्दै जनताले अनुभूत हुने गरी सहज सेवा प्रवाह गर्नुपर्नेमा जोड दिए।
यो नेपाली भाषाको अनलाइन समाचार संस्था हो । हामी तपाईहरुमा खासगरी सिन्धुली सहित देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । माईशिरमा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए maishirnepal@gmail.com मा पठाउनु होला। हामीलाई पछ्याउनुभएकोमा धन्यवाद।
प्रतिक्रिया