सिन्धुलीमाढी । सिन्धुलीको दुधौलीस्थित सरस्वती क्याम्पसको स्वतन्त्र विद्यार्थी युनियन (स्ववियु) को अध्यक्षमा अखिल क्रान्तिकारीका विवेक शाह सुडी विजयी भएका छन् ।

अखिल क्रान्तिकारीबाट उम्मेदवार बनेका सुडीले ८९ मत प्राप्त गरेर विजयी भएका छन् । अनेरास्ववियुका लोकहरि अधिकारीले ७१ मत प्राप्त गरेका थिए भने, नेविसंघकी तुलशा बरालले ५९ मत प्राप्त गरिन् ।

यसैगरी सचिव अखिल क्रान्तिकारीका फहारन अख्तर र कोषाध्यक्षमा नेविसंघकी प्रमीला बराल निर्वाचित भएकी छिन् । सदस्यमा नेविसंघका रन्जु अधिकारी, निकेश कुमार दनुवार,  अखिल क्रान्तिकारीका सरोज पाण्डे अनेरास्ववियुका सुस्मिता धमला र विनीता अधिकारी विजयी भएका छन् ।

अनेरास्ववियु, नेविसंघ र अखिल क्रान्तिकारीले एकल प्रतिस्पर्धा गरेका थिए । निर्वाचन समितिका अनुसार  ३४२ मतदाता रहेकोमा २३० मत खसेको थियो।