कांग्रेस महामन्त्री गगन थापा भोली सिन्धुली आउँदै
माईशिर २३ फागुन २०८१ १८:४९
फइल फोटो
सिन्धुली । नेपाली कांग्रेसका महामन्त्री गगन थापा शनिवार (भोली) सिन्धुली आउने भएका छन् ।
नेपाली काँग्रेस सिन्धुली क्षेत्र नं १ क्षेत्रीय समितिले आयोजना गरेको क्षेत्रीय सम्मेलनलाई सम्बोधन गर्न उनी सिन्धुली आउन लागेका हुन् ।
शनिवार (भोली) बिहान ११ बजे तीनपाटन गाउँपालिका १ बेलघारीमा उक्त सम्मेलन हुँदै छ । उक्त सम्मेलनमा महामन्त्री थापा प्रमुख अतिथिका रूपमा रहनेछन् । कांग्रेसका चर्चित युवा नेता समेत रहेका महामन्त्री थापाको आगमनलाई भव्य बनाउने तयारी गरिएको नेपाली कांग्रेसका क्षेत्रीय सभापति कर्ण थापाले जनाकारी दिए ।
सम्मेलनका क्रममा क्षेत्रीय संगठन सुदृढीकरण, पार्टी नीति तथा आगामी रणनीतिबारे छलफल हुने जनाइएको छ ।
माईशिर डटकममा प्रकाशित सम्पूर्ण समाचार, लेख, रचना, फोटो, भिडियो, तथ्याङ्क तथा डिजिटल सामग्रीहरू हाम्रो बौद्धिक सम्पत्ति हुन्। अनुमति बिना साभार, प्रतिलिपि वा पुनःप्रकाशन गर्न पाइने छैन। यस्ता कार्यहरू गरेमा प्रतिलिपि अधिकार ऐन, २०५९ अनुसार कानुनी कारबाही गरिने छ ।
© माईशिर डटकम
फेसबुक प्रतिक्रिया