१३ माघ २०८१, सिन्धुली । सिन्धुली बहुमुखी क्याम्पसमा ‘शारदामणि स्मृति कप-२०२५’ भलिबल प्रतियोगिता सुरु भएको छ ।

पूर्व क्याम्पस प्रमुख स्वर्गीय शारदामणि खड्काको सम्झनामा सिन्धुली बहुमुखी क्याम्पसले आयोजना गरेको ‘शारदामणि स्मृति कप-२०२५’ ( SMC Winter Week -2025) कमलामाई नगरपालिकाका मेयर तथा क्याम्पस व्यवस्थापन समिति अध्यक्ष उपेन्द्र कुमार पोख्रेलले  आइतबार एक कार्यक्रम बिच उद्घाटन गरेका छन् ।

सिन्धुली बहुमुखी क्याम्पस लामो समय अध्यापन गराएका पूर्व क्याम्पस प्रमुख समेत रहेका शारदामणि खड्काको क्यान्सरबाट २०८० माघ १६, मङ्गलवार निधन भएको थियो । उनकै सम्झनामा सिन्धुली बहुमुखी क्याम्पसले यस वर्षबाट  ‘शारदामणि स्मृति कप-२०२५’ भलिबल प्रतियोगिताको सुरुवात गरेको क्याम्पस प्रमुख भानुभक्त गुरुङले जानकारी दिए । क्याम्पस प्रमुख गुरुङका अनुसार एकेडेमीक र नन एकेडेमीक खेलहरू सञ्चालन गरिने छ । माध्यमिक विद्यालय स्तरीय  भलिबल प्रतियोगितामा आयोजक सिन्धुली बहुमुखी क्याम्पस सहित १३ विद्यालयले प्रतिस्पर्धा गर्ने छन् ।

त्यस्तै  ‘शारदामणि स्मृति कप-२०२५’  खुल्ला भलिबल प्रतियोगिताका खेलहरू  सोमबार बिहानबाट सञ्चालन हुनेछन् ।  टेबल टेनिस र चेस  लगायत इनडोर खेल समेत सञ्चालनमा हुने छ ।