सिन्धुली । प्रेस सेन्टर नेपाल सिन्धुली शाखाको अध्यक्षमा बुद्ध नेपाली निर्वाचित भएका छन् । सिन्धुलीमाढीमा सम्पन्न पाँचौँ अधिवेशनले उपाध्यक्षमा संगीता डिम्दोङ, महिला उपाध्यक्षमा प्रतिमा बिसी,सचिवमा मनोज दाहाल, सहसचिवमा महेश ठटाल र बिर्ख बहादुर वाईबा , कोषाध्यक्षमा विशाल सतशंकर निर्वाचित भए ।

कार्यसमितिको सदस्यमा आस्था विश्वकर्मा, उर्मिला दियाली, मोतीलाल घोले, कविराज तामाङ र पवित्रा कुमारी श्रेष्ठ निर्वाचित भएका छन् । अधिवेशन समारोहमा बोल्दै प्रतिनिधि सभा सदस्य लेखनाथ दाहाल (राजन) ले मुलुकमा मौलाएको भ्रष्टाचार र बेथितिका विरुद्धमा सशक्त भएर कलम चलाउन आग्रह गरे ।

प्रेस सेन्टर नेपाल, बागमती प्रदेशका महासचिव ध्रुव अधिकारीले पत्रकार महासंघको निर्वाचनमा दुई ठुला संगठन मिल्दा पनि सेन्टरले १६ जिल्ला, बागमती प्रदेश र केन्द्रीय पदाधिकारीमा निर्वाचित हुनुले सेन्टरको महत्त्व रहेको बताए । प्रेस सेन्टर नेपाल सिन्धुलीका अध्यक्ष नवीन श्रेष्ठको अध्यक्षतामा अधिवेशन सम्पन्न भएको हो ।