काभ्रेमा आफ्नै ज्वाईँले गरे सासूको हत्या !

धुलिखेल । काभ्रेको मण्डनदेउपुर नगरपालिका १ गैरीगाउँ घिसिङ टोलकी ५२ की तीनमाया तामाङको हत्या उनकै ज्वाइँले गरेको खुलेको छ ।
प्रहरीको प्रारम्भिक अनुसन्धानबाट तीनमायाको हत्या ज्वाईँ सुक बहादुर तामाङले गरेको खुलेको हो ।
सुकवहादुरलाई प्रहरीले पक्राउ गरी अनुसन्धान थालेको छ ।
तीनमाया तामाङ मङ्सिर ३० गते आफ्नै घर भित्र मझेरीमा मृत अवस्थामा फेला परेकी थिइन् । अनुसन्धानको क्रममा मृतक तिनमायाको आफ्नै ज्वाइँ वर्ष २८ को सुक बहादुर तामाङले उनको हत्या गरेको पाइएपछि उनलाई पुस ५ गते पक्राउ गरिएको जिल्ला प्रहरी कार्यालय काभ्रेले जनाएको छ ।
सासू आमा तिन माया तामाङले काम नगर्ने भनी सधैँ गाली मात्र गरी रहने र सो दिन पनि गाली गरेकोले हत्या गरेको सुक बहादुरले स्वीकार गरेका छन् । उनले तीनमायालाई मुक्का प्रहार गर्नुका साथै कुटपिट गरेर टाउको थाममा ठोक्काई हत्या गरेका थिए ।
सुक बहादुरलाई जिल्ला अदालतमा पेश गरी ५ दिन म्याद थप गरेर अनुसन्धान गरिरहेको प्रहरीले जनाएको छ ।
माईशिर डटकममा प्रकाशित सम्पूर्ण समाचार, लेख, रचना, फोटो, भिडियो, तथ्याङ्क तथा डिजिटल सामग्रीहरू हाम्रो बौद्धिक सम्पत्ति हुन्। अनुमति बिना साभार, प्रतिलिपि वा पुनःप्रकाशन गर्न पाइने छैन। यस्ता कार्यहरू गरेमा प्रतिलिपि अधिकार ऐन, २०५९ अनुसार कानुनी कारबाही गरिने छ ।
© माईशिर डटकम
फेसबुक प्रतिक्रिया