सिन्धुली । सिन्धुलीमा करेन्ट लागेर एक पुरुषको मृत्यु भएको छ ।

दुधौली नगरपालिका–४ बैरा बस्ने ६० वर्षीय मल्लु अधिकारी (दनुवार ) को हिजो करेन्ट लागेर मृत्यु भएको हो । घरबाट ७ सय मिटरको दुरीमा रहेको कमला खोलामा सिंचाईको मोटर चलाई करेसा बारीमा पानी हाल्ने क्रममा उनलाई अचानक करेन्ट लागेको थियो ।

अधिकारीको उपचारको क्रममा हिजो दिउँसो २ बजे डकाहास्थित  नेपाल आमा मेमोरियल हस्पिटलमा मृत्यु भएको सिन्धुलीका डिएसपी अनिल कुमार खड्काले जानकारी दिए ।

अधिकारीलाई करेन्ट लागेपछि माछा मार्ने क्रममा सोही ठाउँ बस्दै आएका राम शर्माले अधिकारीलाई कमला खोलामा घोप्टो परेको अवस्थामा भेटाएर प्रहरीलाई खबर गरेका थिए । अधिकारीका पोष्टमार्टम पछि मृतकको छोराले शव बुझेका थिए ।

बिहिबार नै नेकपा एमाले स्थायी कमिटी सदस्य तथा प्रचार विभाग प्रमुख राजेन्द्र गौतमले मृतक अधिकारीको पार्थिव शरिरमा कम्युनिष्ट पार्टीको झण्डा ओढाएर श्रद्धाञ्जली अर्पण गरेका थिए ।