कम्प्युटर एशोसियन महासंघ सिन्धुलीको अध्यक्षमा मैनाली निर्वाचित

सिन्धुली । कम्प्युटर एशोसियन नेपाल महासंघ (क्यान), सिन्धुलीको अध्यक्षमा प्रेमनाथ मैनाली (बासु) सर्वसम्मत निर्वाचित भएका छन् ।

क्यान सिन्धुलीको १० औं बार्षिक साधरणसभा तथा ५ औं अधिवेशनले मैनालीको नेतृत्वमा ९ सदस्यीय नयाँ कार्यसमिति चयन गरेको हो । दुई वर्षे कार्यकाल रहने समितिको  उपाध्यक्षमा समिर श्रेष्ठ, सचिवमा मिनबहादुर श्रेष्ठ (दिपक), सहसचिवमा सोनी कुमारी झा, कोषाध्यक्षमा होमबहादुर श्रेष्ठ रहेका छन् ।

यस्तै, सदस्यहरुमा मनोज थापामगर र चित्रकुमारी श्रेष्ठ निर्वाचित भएका छन्। नवनिर्वाचित अध्यक्ष मैनालीले विधानानुसार दुई जना सदस्यहरु ज्योति श्रेष्ठ र खुस बहादुर दाहाल (अन्जन) लाई मनोनीत गरे ।

अधिवक्ता नारायण बरालको संयोजकत्वमा गठित ३ सदस्यीय निर्वाचन मण्डलले मैनालीको अध्यक्षतामा सर्वसम्मत रुपमा कमिटी गठन गरेको हो । सदस्यहरुमा बिजय तामाङ र रमेश बहादुर सार्की रहेका थिए ।

नवनिर्वाचित अध्यक्ष मैनाली यसअघि संस्थाका  उपाध्यक्ष थिए । क्यान सिन्धुलीमा १० वर्ष बढी निरन्तर क्रियाशील मैनाली मरिणको कपिलाकोट स्थित इजी कम्प्युटर इन्चिच्युट सञ्चालक हुन् । सूचना प्रविधिको क्षेत्रमा मैनाली एक दशकदेखि संलग्न परिचित नाम हुन् । सिन्धुलीको मरिण गाउँपालिका-६ निवासी मैनाली कपिलाकोटमै रहेर विश्वस्तरीय सूचना प्रविधिको प्रवद्र्धनमा सक्रिय छन् ।

यसअघि, संस्थाको १० औं बार्षिक साधारणसभा तथा ५ औं अधिवेशनको शनिबार करदाता कार्यालय सिन्धुलीका प्रमुख मनोज कुमार न्यौपानेले उद्घाटन गरेका थिए । उनले क्यान सिन्धुलीले सूचना प्रविधिको क्षेत्रमा निरन्तर काम गर्दै आएकोमा खुसी व्यक्त गर्दै क्यान इन्फोटेक जस्ता गुणस्तरीय कार्यक्रमलाई निरन्तरता दिन आग्रह गरे ।


माईशिर डटकममा प्रकाशित सम्पूर्ण समाचार, लेख, रचना, फोटो, भिडियो, तथ्याङ्क तथा डिजिटल सामग्रीहरू हाम्रो बौद्धिक सम्पत्ति हुन्। अनुमति बिना साभार, प्रतिलिपि वा पुनःप्रकाशन गर्न पाइने छैन। यस्ता कार्यहरू गरेमा प्रतिलिपि अधिकार ऐन, २०५९ अनुसार कानुनी कारबाही गरिने छ ।
© माईशिर डटकम

ताजा अपडेट

लोकप्रिय

सम्बन्धित खबर