सिन्धुली । सिन्धुलीको भीमानमा मोटरसाईकल अनियन्त्रित भई दुर्घटना हुँदा एक जनाको मृत्यु भएको छ ।

मृत्यु हुनेमा महोत्तरी बर्दीबास नगरपालिका २ हंकङडाडा बस्ने अन्दाजी २५ बर्षीय नारायण श्रेष्ठ रहेको जिल्ला प्रहरी कार्यालय सिन्धुलीका प्रहरी निरीक्षक अनिल कुमार खड्काले जानकारी दिए ।

दुर्घटनामा परि गम्भिर घाईते भएका मोटरसाईकल सवार श्रेष्ठलाई उपचारका लागी सिन्धुली अस्पताल ल्याउँदा बाटोमा नै  मृत्यु भएको सिन्धुली अस्पतालले  घोषणा गरेको थियो ।

राती ८ बजेको समयमा कमलामाई नगरपालिका ९ ईनारपानी स्थित मदन भण्डारी राजमार्गमा भिमानबाट चन्दनपुर तर्फ जादै गरेको ना ४७ प ६६४४ नम्बरको मोटरसाईकल अनियन्त्रित भई पिलरमा ठोकिन गई दुर्घटना भएको थियो ।