सिन्धुली । सिन्धुलीमा भालुको आक्रमणबाट एक जनाको मृत्यु भएको छ । मृत्यु हुनेमा मरिण गाउँपालिका १ कार्तिके बस्ने अन्दाजी ७२ वर्षीय गोपिलाल घिसिङ रहेका छन् ।

घिसिङ्को घरदेखि अन्दाजी १ किलोमिटर उत्तरतर्फ रहेको सिम्ले खोल्सी जंगलमा बिहीबार छिमेकीको बाख्रा भालुले लगेको थियो । हिजो शुक्रबार बाख्रा खोज्न गोपिलालसहित ७/८ जना जंगल पुगेका थिए । सोही क्रममा भालुले गोपिलालमाथि आक्रमण गरेको थियो । भालुको आक्रमणबाट गर्दनको हड्डी र हातको नाडी भाँचिदा उनको घटनास्थलमै मृत्यु भएको जिल्ला प्रहरी कार्यालय सिन्धुलीले जनाएको छ ।