सिन्धुली । कमलामाई नगरपालिकाका मेयर उपेन्द्र कुमार पोखरेले  बाढी पहिरोको विपत्ति सबैको साझा चुनौती भएकाले मिलेर सामना गर्न सबैमा आह्वान गरेका छन् ।

कमलामाई नगरपालिकाको विपद् व्यवस्थापन समितिको बैठकलाई सम्बोधन गर्दै मेयर पोखरेलले अविरल वर्षाले निम्त्याएको विपद्प्रति दुःख व्यक्त गर्दै उद्धारमा जुट्न आग्रह गरेका हुन् ।

उनले भने, ‘ अविरल वर्षाले सिन्धुली सिन्धुली पनि अछुतो रहेन । सिन्धुलीको  उत्तरी क्षेत्रहरू सुनकोशी, गोलन्जोर र फिक्कल गाउँपालिकामा बाढी पहिरोले धेरै नै क्षति गरेको छ । छिमेकीकोमा चाहिँ विपत्ति आयो, तर मेरोमा चाहिँ आएन  भनेर बस्ने  हाम्रो मानसिकता छ । यो प्रकृतिले निम्त्याएको विपत्ति हैन, यो हामीले नै निम्त्याएको  हो । हाम्रै विकास मोडलले निम्त्याएको हो। त्यसैले सबैको साझा चुनौती हो, मिलेर सामना गरौँ।’