सिन्धुली । सिन्धुली प्रहरीले चोरीको मोटरसाइकल सहित दुई जनालाई पक्राउ  गरेको छ ।

बिपी राजमार्गस्थित सुनकोशी गाउँपालिका-१ दुम्जाबाट चेक जाँच गर्दा चोरीको मोटरसाइकल सहित रौतहटको बोधिमाई नगरपालिका १ बस्ने १९ वर्षीय बिशम्बर साह कलवार र रौतहटको बोधिमाई नगरपालिका ८ का १८ वर्षीय सुरज कुमार गोसाईलाई पक्राउ गरेको हो ।

काठमाडौँबाट सिन्धुली आउँदै गरेको बा.प्र.०२–०२७ प १३७६ नम्बरको मोटरसाइकल चेकजाँच गर्दा उक्त मोटरसाइकल चोरी भएकाले नियन्त्रणमा थप अनुसन्धानको लागी ललितपुरको प्रहरी वृत्त सात दोबाटो पठाइएको जिल्ला प्रहरी कार्यालय सिन्धुलीका डिएसपी अनिल कुमार खड्काले जानकारी दिए ।