यो साता चर्चामा :
लागु औषध बोकेका घिमिरे सहित दुई युवा पक्राउ
सिन्धुलीमाढी । सिन्धुली प्रहरीले लागुऔषधसहित दुई युवकलाई नियन्त्रणमा लिएको छ ।
सिन्धुलीको कमलामाई नगरपालिका ७ का ३३ वर्षीय अम्मर बहादुर सिजाली मगर र तिनपाटन- १ बस्ने ३२ वर्षीय सुदिप घिमिरेलाई प्रहरीले लागु औषध सहित नियन्त्रणमा लिएको हो ।
कमलामाई नगरपालिका ९ स्थित चेकपोष्टमा बर्दिबासबाट सिन्धुलीतर्फ आउँदै गरेको बा ११ च ७१५७ नम्वरको कार चेक जाँचका क्रममा कारमा लुकाई ल्याईएको एक्सपोलन न्यू ४९ बोतल लागु औषध बरामद भएको सिन्धुलीका प्रहरी उपरिक्षक (एसपी) गोविन्दराज काफ्लेले जानकारी दिनुभयो ।
उनीहरुलाई ईलाका प्रहरी कार्यालय भिमानबाट खटिएको प्रहरी टोलीले नियन्त्रणमा लिएको हो । पक्राउ पर्नेमध्य सिजाली चालक हुन भने घिमिरे सोही कारमा सवार रहेका थिए । पक्राउ परेकाहरुको विषयमा थप अनुसन्धान भईरहेको सिन्धुली प्रहरीले जनाएको छ ।
माईशिर डटकममा प्रकाशित सम्पूर्ण समाचार, लेख, रचना, फोटो, भिडियो, तथ्याङ्क तथा डिजिटल सामग्रीहरू हाम्रो बौद्धिक सम्पत्ति हुन्। अनुमति बिना साभार, प्रतिलिपि वा पुनःप्रकाशन गर्न पाइने छैन। यस्ता कार्यहरू गरेमा प्रतिलिपि अधिकार ऐन, २०५९ अनुसार कानुनी कारबाही गरिने छ ।
© माईशिर डटकम
फेसबुक प्रतिक्रिया