एक व्यक्तिमाथि खुकुरी प्रहार, सिन्धुलीका अनिष सहित ३ पक्राउ

काठमाडौं महानगरपालिका–३१ आलोकनगरमा एक व्यक्तिमाथि खुकुरी प्रहार गरेको आरोपमा प्रहरीले सिन्धुलीका अनिष मगर सहित तीन जनालाई पक्राउ गरेको छ ।

पक्राउ पर्नेमा सिन्धुलीको फिक्कल गाउँपालिका–३ घर भएका १८ वर्षीय अनिष मगर, दैलेखको महावु गाउँपालिका–४ घर भएका २६ वर्षीय कुमार पण्डित र दार्चुलाको बाँज घर भएका १९ वर्षीय प्रेम सिंह महरा छन् ।उनीहरुलाई जिल्ला प्रहरी परिसर काठमाडौं र प्रहरी वृत्त नयाँबानेश्वरबाट खटिएको टोलीले आइतबार साँझ पक्राउ गरेको हो । उनीहरुबाट एक थान खुकुरी बरामद भएको छ ।

आइतबार दिउँसो ४ बजेतिर आलोकनगरस्थित सौराह होटल अगाडिको सडकमा कैलालीको धनगढी नगरपालिका–२ घर भएका २२ वर्षीय मनत केसीमाथि उनीहरुले खुकुरी प्रहार गरेको परिसरका एसपी तथा प्रवक्ता नवराज अधिकारीले बताए ।

सामान्य विवादमा खुकुरी प्रहार गर्दा केसीको दाहिने हातमा चोट लागेको प्रहरीले जनाएको छ । पक्राउ परेकाहरू विरुद्ध ज्यान मार्ने उद्योगको कसुरमा अनुसन्धान अघि बढाइने प्रहरीले जनाएको छ ।


माईशिर डटकममा प्रकाशित सम्पूर्ण समाचार, लेख, रचना, फोटो, भिडियो, तथ्याङ्क तथा डिजिटल सामग्रीहरू हाम्रो बौद्धिक सम्पत्ति हुन्। अनुमति बिना साभार, प्रतिलिपि वा पुनःप्रकाशन गर्न पाइने छैन। यस्ता कार्यहरू गरेमा प्रतिलिपि अधिकार ऐन, २०५९ अनुसार कानुनी कारबाही गरिने छ ।
© माईशिर डटकम

ताजा अपडेट

लोकप्रिय

सम्बन्धित खबर