सिन्धुलीबाट एकीकृत समाजवादीको तीन केन्द्रीय सदस्य
माईशिर १८ साउन २०८१ २१:५३
सिन्धुली। नेकपा (एकीकृत समाजवादी) ले केन्द्रीय सदस्यको टुंगो लगाएको छ। आज बसेको केन्द्रीय कमिटीको बैठकले केन्द्रीय कमिटीलाई पूर्णता दिएको हो।
जसमा सिन्धुली जिल्लाबाट तीन जना नेताहरू केन्द्रीय कमिटीमा अटाएका छन् । गंगा नेपाल, सूर्य पाख्रिन र जानुका श्रेष्ठ केन्द्रीय समितिमा परेका छन् ।
गंगा नेपाल यस अघि कै पोलिटब्युरो सदस्य हुन् । सूर्य पाख्रिन र जानुका श्रेष्ठ जिल्लाबाट केन्द्रीय कमिटीमा नयाँ अनुहार हुन्। पाख्रिन सिन्धुली जिल्ला कमिटी अध्यक्ष पनि हुन् । सिन्धुलीमाढीमा भएको प्रथम जिल्ला अधिवेशन बाट पाख्रिन जिल्ला अध्यक्षमा निर्वाचित भएका थिए।
त्यस्तै यसअघि केन्द्रीय सदस्य बनेकी शान्ता पाख्रिन भने यो पटक केन्द्रीय कमिटीमा परेकी छैनन् ।
माईशिर डटकममा प्रकाशित सम्पूर्ण समाचार, लेख, रचना, फोटो, भिडियो, तथ्याङ्क तथा डिजिटल सामग्रीहरू हाम्रो बौद्धिक सम्पत्ति हुन्। अनुमति बिना साभार, प्रतिलिपि वा पुनःप्रकाशन गर्न पाइने छैन। यस्ता कार्यहरू गरेमा प्रतिलिपि अधिकार ऐन, २०५९ अनुसार कानुनी कारबाही गरिने छ ।
© माईशिर डटकम
फेसबुक प्रतिक्रिया