चकमके।  सिन्धुलीमा   हाँडीखोलाले बगाउँदा एक बालकको मृत्यु भएको छ।

जिल्लाको तीनपाटन गाउँपालिका -११ मा रहेको हाँडीखालाले बगाउँदा सोही  गाउँपालिका -४ लुभु बस्ने कमल तामाङ  र विमला तामाङको करिब चार वर्षका छोरा मन्जिल तामाङको  हाँडीखोलाले बगाउँदा मृत्यु भएको हो।

हाँडी खोलाको दोभानमा ल्याई ढुङ्गामा अडकी रहेको अवस्थामा स्थानीय सेतीमाया अछामी मगरले देखेपछि  प्रहरी स्थानीयको सहयोगमा खोलाबाट उद्धार गरी लाम्पान्टार स्वास्थ्य केन्द्रमा पुर्‍याएका थिए।

लाम्पान्टार स्वास्थ्य केन्द्रमा बुधवार अपराह्न चार  बजे पुर्‍याइएको थियो। तर चिकित्सकले  मृत घोषणा गरेका थिए। बालकको शव परिवारलाई बुझाइएको प्रहरीले जनाएको छ।