पहिलो भेट भेटसँगै हात हल्लाउँदै छाडेका मधुर मुस्कान त्यो मुस्कानमा मेरो नजर अड्किँदाको पल सम्झिदा,आफैसँग म आफै लजाउन थाल्छु । राम्रोसँग उसलाई हेर्न पनि सकिरहेको थिइन लाजले निहुरिएको मेरो शिर, लाज लाई जबरजस्ती छोप्न खोज्ने म !

के छ ?

प्रश्न आयो…..बोली फुट्न सकेन मेरो।

उ चाहिँ मलाई हेरेर हाँसिरहेको थियो।मैले सर्माउँदै उ माथि यसो नजर लगाए, हाँस्दा कति राम्रो देखिने साइडमा थोरै बाङ्गिएको दाँत साँच्चै सारै राम्रो देखिएको थियो। मिलेको ज्यान हेरिरहे फेरि हेरिरहन पनि त सकिन!

यसरी प्रत्यक्ष न मैले उसलाई देखेको थिए, न उसले मलाई नै देखेको थियो। म कहाँको मान्छे,उ कहाँ को मान्छे । आजसम्म हाम्रो भेट्ने कुनै डेटिङ स्थल नै थिएन । त्यही एउटा फेसबुक थियो जहाँ हामी भेटिन्थ्यौ,संसार भुल्थ्यौ,आफै-आफै रमाउथ्यौँ । एक किसिमले भनौँ फेसबुक हाम्रो भेटिने,छुटिने डेटिङ स्थल थियो।

यसरी आज भेटेर पाएको यस किसिमको आनन्दबाट हामी दुवै खुशी थियौ। लाग्दै थियो यो साथमा हुँदा जस्तो खुशी फेसबुकमा कहाँ रहे छ र…………॥ऽऽ

हामी एक अर्कालाई नभेट्दै पनि खुब माया गर्न थाली सकेका थियौ। एक अर्काको दुःखमा दुःखी हुने थियौँ, अनि खुशीहरू सँगै  साट् थियौँ।  यही त हो माया, यही त हो प्रेम ।आफैले आफैलाई मन मनै सोध्दै थिए, फेसबुकका भित्तामा रङ्गिएका उसको फोटाहरूलाई मात्र प्रेम गर्ने भए सायद म आज आउने थिइन होला ?  भेट्न अनि उ पनि त त्यति टाढा बाट आउने थिए होला ?

मैले गरेको छु,

प्रेम मात्र तिमिलाई,

तिम्रो मुस्कानलाई,

तिम्रो बिचारलाई,

आनीबानीलाई पनि त!

मलाई परेको दुःखले र पीडामा जब तिमीमा निराशा,नैराश्य र आफ्नोपनको बादल छाउँछ, हो त्यो बादललाई गर्छु प्रेम। छिनछिनमा मेरा बारेमा जब सोधी रहन्छौ, खोजी रहन्छौ, हो त्यो केयरलाई गर्छु प्रेम । साँच्चै म धेरै गर्छु तिमीलाई प्रेम। राम्रोसँग चिनेको,सधैँ देखेको,भेटेको र वास्तविक प्रेमको आनन्द महसुस गरेका कतिपय भाग्यमानी प्रेम जोडिहरुको प्रेम अकाल्पनिक र अवास्तविक हुन्छ……तर कहिल्यै नदेखेको,नचिनेको,नजानेको मान्छेसँग बसेको हाम्रो प्रेम त्यही माथि यति धेरै बुझ्ने मान्छे तिमीलाई एउटा प्रेमीको रूपमा पाएको छु । यसलाई म ठुलो भन्दा ठुलो उपलब्धि मान्दछु, ठान्दछु ।

माग्दिन आकाशको जुन,धर्तीको सुन चाहिँदैन । जुनको ज्योति, न सगरको त्यो मोती । दिए पुग्छ जुनी भरको साथ  एक अञ्जुली मायाको सागर । छोटो समयमै लामो यात्रा तय गरिसकेको छु।आज पनि भोलि पनि र अविरल अविराम सधै भरी म उसलाई निस्वार्थ प्रेम गर्ने छु ।

यी सबै कुराहरू म उसलाई हाम्रो त्यो पहिलो भेटमा भन्न चाहान्थे तर सकिन…….

उ सग बिताएका हरेकपलहरु साँच्चै मिठा थिए । आँखा भरिउन्जेल हेरिरहेँ जति हेरे पनि हेरिरहूँ जस्तो! लाग्ने॥

तर के गर्नु धेरै समय सँगै बस्न सकेनौ छुटिनु पर्‍यो।

अनि, फेरि भेटिने वाचा सहित बिदाइका हातहरू हल्लायौ……..!!