भीमेश्वरको “महाप्रसाद” राष्ट्रपति रामचन्द्र पौडेललाई प्रदान गरिएको छ । शनिवार दिउँसो भीमेश्वर मन्दिरको सिलामा आएको पसिना पुछेर राखेको कपास राष्ट्रपति पौडेललाई “महाप्रसाद”का रूपमा प्रदान गरिएको हो।

शिलामा आएको पसिना कपासले पुछ्ने र खाममा हालेर राष्ट्रपति सामु पुर्‍याउने चलन छ । आइतबार”महाप्रसाद”का रूपमा प्रदान गर्न भीमेश्वर गुठी व्यवस्थापन समितिका पदाधिकारी,,जनप्रतिनिधि, गुठियारहरू सहितको टोली शीतल निवास पुगेका थिए। शनिवार दिउँसो १४ः७ बजेबाट भीमेश्वर शिलाको बायाँ भागबाट करिब ३ः५० बजेसम्म पसिना आएको थियो ।

त्यस लगत्तै दोस्रो पटक ४ बजेर ५ मिनेट देखि करिब ४ बजेर १५ मिनेटसम्म शिलाको शिरबाट पसिना आएको थियो ।

शिलामा पसिना आउँदा मुलुकमा ठुलो अनिष्ट वा सकारात्मक परिवर्तन हुने विश्वास गरिँदै आएको छ भने शिलालाई साक्षात् भविष्य सूचक मानिँदै आएको छ ।