तासमा विवाद: सिन्धुलीमा चिर्पट प्रहार गरी बुढाथोकीको हत्या

सिन्धुली। सिन्धुलीमा चिर्पट प्रहार गरी एक जनाको हत्या भएको छ । आइतवार दिउँसो १ बजे सिन्धुलीको घ्याङलेक गाउँपालिका–२ चालिसे बगर बस्ने ३० वर्षीय टिकाबहादुर बुढाथोकीको चिर्पट प्रहार गरी हत्या गरिएको जिल्ला प्रहरी कार्यालय सिन्धुलीका प्रमुख एसपी गोविन्दराज काफ्लेले जानकारी दिए।

घ्याङ्लेक गाउँपालिका – २ मिलन चोकमा तास खेल्न टिकाबहादुर बुढाथोकीलाई स्थानीय भुन्टे भनिने ज्ञानबहादुर वाइबा र आसमान वाइबाले पैसा सापटी  दिएका थिए। तर सापटी दिएको पैसा फिर्ता नदिएपछि आसमान र ज्ञानबहादुर वाइबा सहित पाँच/ छ जनाको  समूहले मृतक बुढाथोकीलाई धारिलो चिर्पट दाउरा प्रहार गरी निर्घात घाइते बनाएको र घाइते बुढाथोकीको उपचारका लागि सिन्धुली अस्पताल ल्याउँदै गर्दा बाटोमा आइतवार नै मृत्यु भएको हो ।

बुढाथोकीलाई चिर्पट प्रहार गरी हत्या गरेर फरार भएका असमान वाइबा र ज्ञानबहादुर वाइबालाई प्रहरीले पक्राउ गरेर घटनाको अनुसन्धान गरिरहेको एसपी काफ्ले ले बताए।


माईशिर डटकममा प्रकाशित सम्पूर्ण समाचार, लेख, रचना, फोटो, भिडियो, तथ्याङ्क तथा डिजिटल सामग्रीहरू हाम्रो बौद्धिक सम्पत्ति हुन्। अनुमति बिना साभार, प्रतिलिपि वा पुनःप्रकाशन गर्न पाइने छैन। यस्ता कार्यहरू गरेमा प्रतिलिपि अधिकार ऐन, २०५९ अनुसार कानुनी कारबाही गरिने छ ।
© माईशिर डटकम

ताजा अपडेट

लोकप्रिय

सम्बन्धित खबर