सिन्धुलीमा जडिबुटी खोज्न जाँदा लडेर मरिणका दंगालको मृत्यु
माईशिर २ असार २०८१ ६:५६
सिन्धुली । सिन्धुलीमा जुडिबुटी खोज्न जाने क्रममा भीरबाट लडेर एक पुरुषको मृत्यु भएको छ ।
मरिण गाउँपालिका–२ कटनडाँडाका ५८ वर्षीय टेकबहादुर दंगाली जडिबुटी खोज्ने क्रममा भीरबाट लडेर मृत्यु भएको हो । उनी शुक्रबार जडिबुटी खोज्न भनी जंगलतिर गएकोमा अबेरसम्म घर नफर्किएपछि स्थानीय र आफन्तले खोजीकार्य गर्ने क्रममा दंगाली मृत्त अवस्थामा फेला परेका थिए । करिब १ सय ५० मिटर तल मुंग्रेशिर भीर खोचमा उनी मृत्त अवस्थामा स्थानीयले देखेपछि प्रहरीलाई खबर गरेका थिए ।
सो स्थानमा इलाका प्रहरी कार्यालय कपिलाकोटबाट प्रहरी निरीक्षकको कमाण्डमा टोली खटि पोष्टमार्टम गरेर आफन्तलाई जिम्मा लगाइएको सिन्धुली प्रहरीले जनाएको छ ।
माईशिर डटकममा प्रकाशित सम्पूर्ण समाचार, लेख, रचना, फोटो, भिडियो, तथ्याङ्क तथा डिजिटल सामग्रीहरू हाम्रो बौद्धिक सम्पत्ति हुन्। अनुमति बिना साभार, प्रतिलिपि वा पुनःप्रकाशन गर्न पाइने छैन। यस्ता कार्यहरू गरेमा प्रतिलिपि अधिकार ऐन, २०५९ अनुसार कानुनी कारबाही गरिने छ ।
© माईशिर डटकम
फेसबुक प्रतिक्रिया