सिन्धुली। केही दिनदेखि बढेको अत्यधिक गर्मीका कारणले सिन्धुलीको कमलामाई नगरपालिकाले विद्यालयमा बिदा दिइएको छ ।

सिन्धुली सदरमुकाम समेत रहेको कमलामाई नगरपालिकाले अत्यधिक गर्मी बढेका कारण सामुदायिक र संस्थागत सबै विद्यालय बन्द गर्ने निर्णय गरेको हो।

नगरपालिकाले २०८० जेठ ३१ गते बिहीबार देखि असार ५ गते बुधबारसम्मका लागि बिदा दिएको कमलामाई नगरपालिकाका शिक्षा शाखा प्रमुख शंकरराज लुईंटेले जानकारी दिए ।

गर्मीका कारण पठनपाठनमा समस्या भएपछि गर्मीका कारण बालबालिकामा विभिन्न किसिमको समस्या हुनबाट जोगाउनका लागि वर्षे बिदाबाट कट्टा हुनेगरी बिदा दिइएको उनले बताए ।

कमलामाई नगरमा ८४ वटा सामुदायिक र २४ वटा संस्थागत विद्यालयहरू रहेका छन् ।