सिन्धुलीमाढी। बैंकका कर्मचारी सवार बस सिन्धुलीको गोलन्जोर गाउँपालिका ७ तल्लो बारामा दुर्घटना भएको छ ।

बर्दिवासबाट ग्लोबल आईएमई बैंकका कर्मचारी लिएर बीपी राजमार्ग हुँदै काठमाडौंतर्फ हिडेको वाग्मती प्रदेश ०१०-०१-१७३२ बस बिहीबार अपराह्न दुर्घटना भएको हो । दुर्घटनामा घाइते भएकालाई सुनकोसी समुदायीक अस्पताल खुर्कोटमा प्राथामिक उपचार गरि धुलिखेल पठाइएको जिल्ला प्रहरी कार्यालय सिन्धुलीका डीएसपी अनिलकुमार खड्काले जानकारी दिए।

डीएसपी खड्काको अनुसार बसमा २८ जना सवार रहेको र उनीहरु बर्दिवासमा तालिममा सहभागी भएर फर्किँदै गर्दा दुर्घटनामा परेका थिए। घटनास्थलमा प्रहरी, स्थानीयलगायतले उद्धार गरेका थिए। भने बस सडकबाट खसेर स्थानीयको घर पछाडि उत्तानो परेको छ ।