सिन्धुली । सिन्धुलीमा प्रहरीलाई क्युआर मार्फत सुचना दिन सकिने व्यवस्था गरिएको छ ।

सिन्धुलीमा अब प्रहरीलाई सूचना दिन क्युआर कोर्डको प्रयोग गर्न पाईने भएको हो । जिल्ला प्रहरी कार्यालय सिन्धुलीले क्युआर स्क्यानिङ मार्फत सूचना तथा गुनासो लिन सुरु गरेको छ । प्रहरीलाई प्रविधिसँग जोड्दै जुनसुकै सूचना तथा उजुरी दिन सकिने गरि क्युआर स्क्यानिङ सेवा सुरु गरेको जिल्ला प्रहरी कार्यालय सिन्धुलीले जनाएको छ । जिल्ला प्रहरी कार्यालय सिन्धुलीका एसपी गोविन्दराज काफ्लेले प्रहरीलाई सूचना तथा उजुरी क्युआर स्क्यान गरेर दिन सकिने बताए । उनका अनुसार इन्टरनेटको सुविधा भएका स्थानबाट प्रहरीको क्युआर कोर्ड स्क्यान गरि सूचना तथा उजुरी दिने व्यवस्था मिलाईएको छ ।

एसपी काफ्लेले जस्तो सुकै सूचनाहरु पठाउन सकिने र सूचना दिने व्यक्तिको पहिचान नखुलाईने समेत बताए।